Bashkia e Cërrikut në Bashkëpunim me qeverinë shqiptare u ka ardhur në ndihmë familjeve në nevojë, ku në 3 vite janë ndërtuar apo rikonstruktuar 72 banesa, 22 prej të cilave vetëm vitin e kaluar.
Drejtuesi politik i qarkut Elbasan Damian Gjiknuri, njëherësh dhe Sekretar i Përgjithshëm i PS, i shoqëruar dhe nga kryebashkiaku Andis Salla shpërndanë kontratat për 8 banesa të reja sociale, dedikuar familjeve në kushte të vështira social-ekonomike.
Drejtuesi politik Damian Gjiknuri vlerësoi vëmendjen që Bashkia e Cërrikut ka ndaj shtresave në nevojë, duke u ardhur në ndihmë përmes programeve të ndryshme sociale.
“Më vjen mirë se Andi, kryetari juaj, gjithmonë më çon nëpër banesa sociale gjë që tregon se e ka në vëmendje këtë çështje. Kujdeset për njerëzit dhe më vjen mirë që pjesën më të madhe të punës e ka te banesat, te komunitetet e zonave të varfra”, theksoi Gjiknuri.
Kretari i Bashkisë Andis Salla siguroi se ky program social për strehimin e familjeve në nevojë do të vijojë. “Vjet kemi bërë 22 banesa nga nga themelet. Në tre vite janë 72 banesa përfshirë edhe ato të rikonstruktuara. Është një numër i konsiderueshëm për Bashkinë tonë dhe kemi projekte të tera në vazhdim në këtë drejtim”, u shpreh ai.
Gjiknuri dhe Salla vizituan dhe dy familjet, Mema në fshatin Shterman dhe atë Xibraku në fshatin Qyrjan, të cilat tashmë kanë banesa të reja, me kushte shumë herë më të mira dhe më të sigurta se banesat e tyre të vjetra të cilat u dëmtuan rëndë nga tërmeti.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024