Ministrja e Jashtme, Olta Xhaçka ka folur në takimin e Këshillit të Sigurimit “Paqja dhe Siguria e Ukrainës”, që mbahet në Nju Jork të Shteteve të Bashkuara të Amerikës.
Mes të tjerave, Xhaçka ka mirëpritur vendimin e Presidencës franceze të KS, për ta mbajtur fokusin në çështjen e llogaridhënies, ndërsa, sipas saj, veprimet e Rusisë janë një shkelje flagrante e Kartës së Kombeve të Bashkuara.
Ministrja Xhaçka ka shtuar se Rusia ka zgjedhur ta injorojë hapur vazhdimisht vendimin e Gjykatës Ndërkombëtare të Drejtësisë. Sipas saj, lufta e Rusisë ndaj Ukrainës na kujton ditët e errëta të fashizmit dhe stalinizmit dhe misionet për gjetjen e fakteve tregojnë një brutalitet të tmerrshëm kriminal kundër popullatës civile ukrainase, pasi mijëra njerëz kanë paguar me jetën e tyre për luftën e zgjedhur të Vladimir Putinit dhe miliona të tjerë janë të uritur.
Ministrja ka shtuar se komuniteti ndërkombëtar duhet të vazhdojë të ndihmojë në mbrojtjen e Ukrainës dhe të punojë për të garantuar përgjegjësinë për atë që Rusia po bën në Ukrainë.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024