Kryeministri i Kosovës, Albin Kurti ka deklaruar se pasditen e sotme, në ditën e fundit kur duhet të zgjidhet presidenti i ri i vendit, do të vazhdojnë përpjekjet për të gjetur zgjidhje.
“Pasdite do t’i vazhdojmë përpjekjet për ta zgjedhur presidentin. Urojmë e besojmë e shpresojmë edhe për një kandidaturë të dytë në mënyrë që ta përmbushim kërkesën kushtetuese për garë”, ka thënë Kurti.
Në ndërkohë, kandidati i vetëm për president, Glauk Konjufca ka fajësuar opozitën për situatën e krijuar.
“Nëse ata propozojnë ndonjë emër, ndoshta edhe unë do ta votoja. Por askush nuk po propozon. Jam shumë kureshtar të di kush është ai që do ta votonin nëse nuk jam unë”, tha Konjufca.
Presidenti i ri i Kosovës duhet të zgjidhet më së voni sonte në mesnatë.
Latest posts by Pena Albania (see all)
- Portreti i Mozartit nga Barbara Krafft, referuar përshkrimeve të Maria Anna, motrës së gjeniut të muzikës - 20/10/2026
- Kufiri i brishtë mes të mires dhe të keqes, sipas Gustav Jung - 20/10/2026
- Christiane Amanpour largohet nga CNN/ Gazetarja dhe prezantuesja e njohur ikën pas 43 vitesh: “Jini gjithmonë të vërtetë, jo neutralë”. - 20/10/2026