Njësoj si ditën e hënë, Sali Berisha ka ftuar qytetarët që të mblidhen përpara Parlamentit të enjten kur mbahet seanca plenare.
Përmes një spoti të publikuar në rrjetet sociale, Berisha paralajmëron protestë ditën e nesërme përpara Parlamentit në orën 10:00, ku dhe nis punimet Kuvendi.
“Shqipërisë i dalim zot! E enjte, ora 10:00, para parlamentit”, ka shkruar Berisha në Facebook, postim që e ka shoqëruar me video.
Në seancën e nesërme parlamentare janë parashikuar disa pika në rend dite, mes të cilave edhe projektvendimi “për shkarkimin e kryetares së Kuvendit të Shqipërisë Lindita Nikolla” e kërkuar nga deputetët e PD-së.
Ndërkohë, më 3 Mars Partia Demokratike ka paralajmëruar mbajtjen e një proteste kombëtare.
Latest posts by Gazeta Pena (see all)