Paralajmërimi për dyfishim të çmimeve për kursantët që regjistrohen për pajisjen me patentë për drejtimin e automjeteve, ka bërë që prej disa ditësh në Poliklinikën e qytetit të Korçës të krijohen radhë nga persona që duan të regjistrohen në kurse për marrjen e patentës duke përfituar nga çmimet ekzistuese.
Prej ditësh dhjetëra qytetarë janë dyndur drejt këtij institucioni për të aplikuar për dokumentacionet mjekësore që nevojiten për marrjen e patentës.
Kryesisht janë të rinjtë, ata të cilët kanë qëndruar për orë e ditë në radhë për tu pajisur me dokumentat e nevojshëm, për të mos u përballur me tarifat e reja.
Nga ana tjetër burime pranë disa autoshkollave që operojnë në qytetin e Korçës bëjnë me dije se gjatë këtyre ditëve është shumëfishuar numri i regjistrimeve për pajisjen me patentë për drejtimin e automjeteve.
Ndërkohë që më përpara çdo ditë bëheshin rreth 2-3 regjistrime të reja, pas deklaratës për rritjen e çmimit për kursin teorik dhe praktik ka patur rreth 30 aplikime në ditë pranë autoshkollave.
- Sot, afati i fundit për dorëzimin e aplikimeve/ Zbardhen emrat e kandidatëve për postin e Avokatit të Popullit - 03/11/2025
- SPAK me komunikatë zyrtare, zbardhen akuzat për kreun e ARRSH dhe katër të tjerë - 03/11/2025
- Kushtetuesja rrëzon Qeverinë, Veliaj rikthehet si kryetar Bashkie i Tiranës - 03/11/2025