Shumë banorë të Bohorodychne, një qytet në rajonin e Donetsk, i shkatërruar pas luftimeve të ashpra midis forcave ruse dhe ukrainase në shtator, tani po strehohen në manastirin ortodoks, Sviatohirsk Lavra.
Pranë një ure të thyer, punëtorët po rregullojnë çatinë e dëmtuar të manastirit që nuk u kursye nga konflikti.
“Na thanë që mund të qëndrojmë sa të duam sepse nuk kemi ku të shkojmë, i gjithë fshati ynë është shkatërruar, kthyer në rrënoja, nuk ka mbijetuar asnjë shtëpi. Për momentin kemi çfarë na nevojitet, falë zotit ata kujdesen për ne shpirtërisht e fizikisht, ata na mbështesin”, thotë Vira Larina, banore e Bohorodychne.
Pas sulmeve masive me raketa që goditën vendin këtë javë, presidenti Zelensky deklaroi se gjashtë milionë familje ukrainase janë ende pa energji elektrike.
Mungesa e energjisë dhe ujit në këto ditë të ftohta vështirëson edhe më shumë jetën e ukrainasve.