Dy muaj pas ngjarjes ku dy motrat Antonela dhe Mariela Berisha dhunuan blogeren Klea Prenga, avokati i të resë ka deklaruar se ajo ndodhet në gjendje të rënduar psikologjike.
Në një intervistë mëngjesin e sotëm në “Breaking”, Top News, avokati i Kleas ka deklaruar se edhe pse dy motrat u dorëzuan në polici, nuk ka pasur asnjë tentativë për të komunikuar.
Madje, avokati shtoi se Klea ka marrë vazhdimisht kërcënime. Dëmtimet në fytyrën e saj të shkaktuara nga dhuna e motrave Berisha, avokati tha se përcaktohen nga organet kompetente si shëmtim i përjetshëm.
“Blogerja vazhdon të jetë në gjendje të rëndë, është e tronditur. Dëmtimet përcaktohen si shëmtim i përjetshëm. Ka pasur edhe disa mesazhe pas ngjarjes që i ka kallëzuar.
Unë jam avokati i saj, i zonjës Klea që pak ditë pas ngjarjes, përfaqësimin e kam paraqitur në organin e akuzës. Nuk ka pasur asnjë përpjekje apo tentativë për të komunikuar dikush me mua apo me Klean. Kërcënimet kanë dy natyra, nëse kërcënimi ndodh post traume, impakti është më i rëndë”- u shpreh avokati Alfred Duka.
- Tensionet në Kuvend, Artan Fuga: Nëse përdor trupin, nuk je më deputet! Këta s’kanë popull që t’i ndjekë dhe përdorin trupin - 18/10/2024
- Bardhi padit Ballukun në SPAK: Grabiti 180 milionë euro me shtijën e energjisë elektrike - 18/10/2024
- “Shëmtim i përjetshëm në fytyrë”, avokati i Klea Prengës: Është në gjendje të rënduar, vazhdon të marrë kërcënime! - 18/10/2024