33.5 C
Tirana
23 / 07 / 2024

Nga “Flutura në shtëpi” dhe “Akrepat e orës”, 14 bestytëni që besojnë shqiptarët

Kur macja e zezë “të pret” rrugën

Nëse duke e kaluar rrugën, qoftë në këmbë apo me veturë, një mace e zezë ua ‘pret’ rrugën, atëherë ju duhet ta ndryshoni drejtimin apo të ktheheni, pasi kjo është një shenjë e fatkeqësisë. Në mesjetë, macet konsideroheshin kafshë të shtrigave, kështu për të mos pësuar ndonjë fatkeqësi, ato edhe vriteshin.

E marta “e zezë”

Mendohet se e marta është dita kur Zoti krijoi të ligën, kështu, sipas më të vjetërve, nuk është mirë që të pastroheni natën e martë, të punoni punë dore apo punë të tjera.

Prerja e thonjve natën

Besëtytnia ndoshta më e çuditshme që ende besohet është për prerjen e thonjve të dorës dhe të këmbës natën ose përnjëherë. Sipas këtij besimi, nëse ju i prisni thonjtë e këmbës dhe të dorës përnjëherë, dikush do të vdesë në ditën tuaj të dasmës – apo do të ketë edhe dasmë edhe vdekje për një ditë.

Flutura në shtëpi

Çfarë do të thotë kur të hyn një flutur në shtëpi? Të gjithëve u ka ndodhur të jenë magjepsur duke parë fluturat dhe ngjyrat e tyre madhështore. Ato janë insekte me një kuptim thellësisht shpirtëror.

Në kulturën kineze, fluturat, pavarësisht nga ngjyra e tyre, janë një simbol i pavdekësisë së shpirtit. Në fakt, thuhet se shpirtrat e njerëzve që kemi dashur dhe që fatkeqësisht nuk jetojnë më, përdorin këto insekte të mrekullueshme për të vizituar të dashurit e tyre.

Paratë

Besohet se nëse të kruhet dora e djathtë do të japësh para, por nëse të kruhet e majta, do të marrësh para.

Gëzimi

Thuhet se kur dy persona flasin përnjëherë fjalën e njëjtë rastësisht, do të gëzohen në një të ardhme të afërt ose dikush i shan.

Lemza

Ndoshta ende e dëgjoni thënien “po të përmend dikush” kur keni lemzë, por kjo nuk është asgjë më shumë se një reagim i pavullnetshëm i muskulit të diafragmës që sjellë daljen e një sasie ajri dhe në të njëjtën kohë mbylljen e epiglotës (hapësirës së laringut).

Syri i keq

Është e pashmangshme që të ketë familje shqiptare ku nuk besohet se të kap syri i keq, madje edhe nga vetë të afërmit për fëmijët apo sidomos nga njerëz që i kanë sytë me ngjyrë

Akrepat e orës

A thua me të vërtetë mendon dikush për ju nëse kur shikoni orën akrepat e saj janë një mbi një? Por, tani në kohën e celularëve të mençur, disa besojnë në fatin e numrave të orës në celular, p.sh kur ora është 11:11, 15:15 etj.

Mos e trego shtatzëninë deri në muajin e 3-të

Zakonisht gratë shtatzënë pas këtij muaji priren që ta përhapin lajmin e shtatzënisë, madje edhe tek të afërmit e tyre sepse besohet por edhe këshillohet nga mjekët në mënyrë që edhe fëmija të jetë më i formuar dhe të mos rrezikojë ndonjë dështim.

Patkoi i kalit

Besohet se patkoi i kalit i vendosur në derën e hyrjes në shtëpi e mbron shtëpinë nga krijesat e liga dhe sjellë fat e pasuri. Por, sigurohuni që patkoi të jetë i vendosur në këtë mënyrë, pasi në anën tjetër pasuria do të ju ‘derdhet’ e tëra.

Lulja e tërfilit

Tërfili konsiderohet si gjetje e rrallë dhe shumë fatsjellëse, por pse? Sipas legjendave, kjo gjethe është këputur nga Eva, gruaja e dërguar nga parajsa. Ajo zgjodhi këtë, për të mos harruar kurrë kopshtin e Edenit. Prandaj lulja e tërfilit përfaqëson fat të mirë dhe prosperitet.

Pasqyra e thyer

Thuhet se pasqyra e thyer ka fuqi që të sjellë gjëra të këqija në jetë, që nëse shikoheni në të, fati u “shtyhet” për shtatë vite

Mos hidhni plehra

Sa e sa herë e kemi dëgjuar që natën nuk hidhen plehrat? Dhe kur pyesje të shtëpisë përse, gjithçka merrje si përgjigje ishte “është keq” apo “ikën bereqeti i shtëpisë”.

Artikujt më të kërkuar

0
Would love your thoughts, please comment.x
()
x