Presidenti i Turqisë, Tayyip Erdogan ka ngritur një padi kundër nënpresidentit të Bundestagut, Wolfgang Kubicki për fyerje dhe shpifje përmes avokatit të tij në Këln.
Kumbicki, lideri i Liberalëve (FDP), gjatë një fjalimi të dielën e kaluar e quajti presidentin turk një “miu i vogël i kanalizimeve” dhe e akuzoi atë për përdorimin e çështjes së refugjatëve si një mjet për të ushtruar presion politik mbi Evropën.
Politikani gjerman më vonë u përpoq të rindërtonte fjalën, duke folur për “një qenie të vogël, të lezetshme, të zgjuar dhe dinake,“, por duket se nuk e ka bindur palën tjetër, pasi ambasadori gjerman në Ankara është thirrur në Ministrinë e Jashtme turke për të dhënë shpjegime.
Në padinë e tij, avokati i Tayyip Erdoganit, Mustafa Kaplan, thekson, sipas revistës Der Spiegel, se termi “miu i kanalizimeve” i referohet një personi që konsiderohet i degraduar moralisht dhe i neveritshëm” dhe argumenton se këtu nuk bëhet fjalë për kritika të vërteta, por për shpifje.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024