Zyrtaret, Mauricio Pochettino nuk është më trajner i Paris Saint-Germain. Klubi parisien ka bërë të ditur në rrjejet sociale vendimin për trajnerin argjentinas: “Paris Saint-Germain konfirmon se Mauricio Pochettino ka përfunduar rolin e tij në klub. Klubi falënderon Mauricio Pochettino dhe stafin e tij për punën e bërë dhe i uron atyre më të mirat për të ardhmen”.
Pochettino mbërriti në Paris në janar 2021 për të zëvendësuar Tuchel të shkarkuar. Në krye të parizienëve ish-trajneri i Tottenham fitoi: një kampionat, një kupë franceze dhe një superkupë franceze duke shtyrë zhgënjimet e hidhura në Champions League (eliminimet në gjysmëfinale dhe raundi i 16). Rekordi i tij në stolin e PSG-së është 55 fitore, 13 barazime dhe 15 humbje.
Pas shkarkimit të Pochettino, Paris Saint-Germain prezantoi Christophe Galtier si trajnerin e ri. Ish-trajneri i Lille nënshkroi një kontratë dyvjeçare, deri më 30 qershor 2024.
- Balla publikon pamjet nga plazhi i Divjakës: Pastrimi i vijës bregdetare me makineri të teknologjisë së fundit - 11/07/2022
- Të bllokuar midis kufirit të Thethit e Valbonës, shpëtohen 3 turistët çek, Manastirliu publikon pamje - 11/07/2022
- Publikon fotot e shkollës, deputeti Korreshi ironizon Ministren Kushi: Vetëm për fushatë e përdorin - 11/07/2022