Presidenti i Shqipërisë, Bajram Begaj ka dënuar firmosjen e aktit për aneksimin e 4 rajoneve të Ukrainës nga Rusia.
Përmes një postimi në Twitter, Begaj thotë se kjo është një shkelje e përsëritur ndaj integritetit territorial të Ukrainës.
Sipas tij, sfida e hapur dhe flagrante e Rusisë ndaj ligjeve ndërkombëtare, është një lajm i keq për paqen dhe rendin botëror.
Postimi i Bajram Begajt:
Dënoj me forcë shkeljen e përsëritur të integritetit territorial të Ukrainës nga ana e Rusisë. Sfida e hapur dhe flagrante e Rusisë ndaj ligjeve dhe komunitetit ndërkombëtar është lajm i keq për paqen dhe rendin botëror.
Ishte Presidenti Vladimir Putin i cili ditën e sotme njoftoi në një konferencë për mediat, përmbylljen e referendumit dhe konkretizimin e aneksimit të 4 rajoneve të Ukrainës. Madje, ai emëroi edhe 4 liderë rusë në këto rajone, me të cilën firmosi dhe aktin për aneksimin e këtyre zonave.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024