Muzeumi "Victoria & Albert" Londër dhe Manosi i Nikolicës së Korcës

Nga Auron Tare

Ndër thesaret e grumbulluara nga Familja Mbretërore e Anglise dhe ekspozuar në Muzeumin e famshëm të “Victoria & Albert”, gjëndet edhe një Libër Lutjesh Kishtare. Kapaku prej argjendi dhe mjeshtëria e lartë e gdhendjes e bëjnë atë të denjë për një thesar mbretëror. Ky Libër Lutjesh është pjesë e një koleksioni të Mbretëreshës Viktoria. Kujtojmë se Mbretëresha Viktoria ishte ndoshta Mbretëresha e fundit e cila ishte në krye të Perandorisë më të madhe që ka njohur Bota. Apo Perandoria ku dielli nuk perëndonte kurrë. Ndër shumë e shumë objekte të rralla që vinin nga cdo anë e kësaj Perandorie, Libri i Lutjeve që ndodhet në këtë koleksion vinte nga një fshat i vogël në këmbët e Malit të Gramozit, Nikolicës së Korces.

Në ekspozitën e këtij Koleksioni fatkeqësisht nuk kemi shumë detaje se si ky Liber i rrallë u gjend në duart e Mbretëreshës por fatmirësisht kemi emrin e mjeshtrit që e punoi atë, Manos i Nikolicës së Korçës.

Mjeshtëri Manos ka humbur në mjegullën e kohës dhe të paktën unë nuk kam dëgjuar asgjë për të, por mjeshtëria e tij e rrallë do të vazhdojë të ekspozohet në këtë Koleksion Mbretëror duke treguar mbi artin e mjeshtërve të dikurshëm në trojet tona.