Mungesa e gjyqtarëve në Gjykatën e Rrethit Gjyqësor Korçë, ka sjellë zvarritje të seancave gjyqësore dhe të vendimeve të arsyetuara, si rrjedhim edhe vonesën e kalimit të çështjeve në një shkallë gjyqësore më të lartë. Një gjë e tillë bëhet me dije nga kryetari i Dhomës së Avokatisë, Arben Lena, i cili shprehet se kjo situatë është kthyer në shqetësim jo vetëm për avokatët por edhe vetë të ndaluarit në dhomat e paraburgimit, si të dyshuar për vepra të ndryshme penale.
Lena apelon që të plotësohen sa më parë vendet vakante, në mënyrë që të shmanget mungesa e drejtësisë për qytetarët.
Një tjetër problem që kërkon zgjidhje sipas Lenës ka të bëjë me afatin e të ndaluarve në dhomat e para burgimit. Sipas Lenës ditët e vuajtjes së dënimit duhet të fillojnë nga momenti i dhënies së dënimit të formës së prerë dhe jo momentit të largimit në institucionet e vuajtjes së dënimit.
Gjykata e Shkallës së Parë në Korçë ka mbetur me 8 gjyqtarë nga 14 që duhet të ketë, gjë që sjell ngarkimin e gjyqtarëve por edhe zgjatjen e afateve të gjykimit. Mungesa e gjyqtarëve ka sjellë zvarritje edhe të seancave civile. Për çështje të tilla bëjnë me dije burimet, situata është më e rëndë në Gjykatën e Apelit.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024