Përpos marrëveshjeve të rëndësishme që u firmosën në Samitin BE-Ballkani Perëndimor, ajo çfarë ra në sy edhe të mediave ndërkombëtare ishte performanca ndryshe gjatë “family photo”. Ministrja e Kulturës, Elva Margariti tregoi se e kujt ishte ideja për performancën 13-minutëshe tradicionale dhe moderne.
“Me kryeministrin, me të cilin kemi folur çdo detaj deri në momentin e dhuratave të mikpritjes për zonjat, për zotërinjtë. Fakti që Shqipëria donte të prezantohej me disa elementë krenarie, patjetër ashtu siç kemi shpërndarë librat e Ismail Kadaresë liderëve, me një dedikim të tij është një moment historik”.