Fiona Hill, eksperte për marrëdhëniet ndërkombëtare dhe ish-këshilltare e tre presidentëve amerikanë, Bush, Obama dhe Trump, tha se Lufta e Tretë Botërore tashmë është duke u zhvilluar, por, siç thotë ajo, “ne nuk arrijmë ta njohim atë”.
“Ne jemi tashmë në Luftën e Tretë Botërore, pavarësisht nëse e pranojmë apo jo. Bota po i kthehet modeleve të vjetra historike që besohej se nuk do të ndodhin më kurrë”, raporton Blic.
“Politika e Putinit ekziston për 22 vjet dhe ka shkuar drejt kësaj situate që nga viti 2008. Qëndrimet ndaj Ukrainës dhe ndjenja se i gjithë vendi i përket Rusisë janë ndërtuar prej kohësh.
Putini tani ka hapur dyert në Evropë që ne besohej se ishin mbyllur për një kohë të gjatë pas Luftës së Dytë Botërore,” shton Hill.
Sipas saj, presidenti i Rusisë nuk heq dorë nga lufta pas humbjes, por vazhdon të luftojë duke përdorur të gjitha mjetet në dispozicion.
Ajo beson se Putin nuk dëshiron as të negociojë me Kievin, por synimi i tij është të sjellë në tryezën e bisedimeve “lojtarët e mëdhenj botërorë”, megjithëse mundësia e parë për një skenar të tillë mund të lindë vetëm pas disa vitesh.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024