Për të mos lejuar që e fejuara të dalë nga shtëpia, një 31-vjeçar shqiptar e lidhi atë në shtrat, madje i mori edhe çelësat e shtëpisë.
Por gruaja ka arritur që të arratiset dhe të denoncojë shqiptarin, i cili u arrestua në Firence nga karabinierët e kompanisë Oltrarno mesnatën mes 8 dhe 9 prillit.
Ai akuzohet për rrëmbim dhe dhunë në familje. Në orët e vona të pasdites së datës 8 prill, e fejuara e shqiptarit arriti që të zgjidhej dhe u arratis nga dritarja e banesës. Ajo u paraqit në gjendje konfuze në komisariatin e policisë Legnaia e shoqëruar nga disa kalimtarë që e kishin gjetur në rrugë duke qarë.
Më pas ajo vetë i tha policisë se vitin e fundit kishte pësuar sulme të tjera nga burri për shkak të xhelozisë së tij. Policia ka arrestuar 31-vjeçarin në shtëpi dhe ka sekuestruar një litar, ndoshta i njëjti me të cilin lidhej vajza.
- Thatësira rekord zbulon anijet naziste të Luftës së Dytë Botërore në Danub, dalin në sipërfaqe edhe municione të pashpërthyera - 09/08/2026
- Izraeli rrëzon planin e paqes së Trump për Gazën: Nuk tërhiqemi pa çarmatosjen e Hamasit - 09/08/2026
- Zjarri në Krujë/ “Zero dëme në njerëz dhe banesa”, Braçe i përgjigjet komentuesve: Me 4.2 milionë euro do ishte shuar menjëherë? Ky është cinizëm - 09/08/2026