Deputeti i PD Belind Këlliçi, është një nga tre emrat që deri tani ka shprehur interes të hyjë në primaret për Bashkinë e Tiranës.
Këlliçi në një intervistë për edicionin e lajmeve në Vizion Plus me moderatorin Rolnad Zili, tha se çdo kandidaturë për primaret deri tani është më e mirë se ajo e Veliajt.
“Është një garë mes tre ofertave që ne kemi për demokratët
Është një garë mes alterantivave tona. Tre kandidaturat për mua janë me integritet dhe të spikatur.
Çdo kadidaturë e jona ëstë më e mirë se ajo e Veliajt”, tha Këlliçi.
I pyetur se përse qytetarët duhet ta votojnë dhe t’i besojnë kandidaturës së tij, Këlliçi tha se gjatë kësaj kohe ai ka qenë një nga zërat më të fuqishëm opozitar, që ka denoncuar aferat qeveritare, duke nisur me atë të inceneratorëve e më pas shembjen e Teatrit Kombëtar.
“Rekordi im i angazhimit publik dhe të bërit opozitë unë kam një rekord të provuar qoftë në aferën einceneratorëve kam zbuluar dokumente autentikë
Kam qenë aty mbrëmjen e 17 majit kur u shemb teatri dhe unë natën e kam kaluar në birucë. Kam qenë gjatë gjithë kohës denoncuesi i aferave të qeverisë.
Unë hyj në këtë garë me bindjen se Tirana ka nevojë për një model tjetër. Ka nevojë për një administratr normal për një bashki që do punojë për qytetarët”, tha Këlliçi.