Sali Berisha ka pësuar humbjen më poshtëruese në jetën e vet politike.
Por ka dhe nga ata, që këtë humbje e shohin si fitore.
Një prej tyre është Çim Peka, sipas të cilit, Berisha i ka ngrirë buzëqeshjen në fytyrë Ramës, me ato 6 fshatrat që fitoi më 14 maj.
“40% pa asnjë garanci në zgjedhje! Sali Berisha pa parti, pa vulë, pa komisionerë, pa numërues, pa fonde, pa emër në fletën e votimit.
Me një listë kandidatësh të lirë, me qindra miliona euro kundër, u fut në zgjedhje për një muaj dhe mori rreth 40% të votave mazhoritare në shkallë kombëtare. Ose më saktë, kaq i lanë.
Basha, Alibeaj, Yuri Kim me vulë, komisioner, miliona euro nuk arriti dot të gjejë kandidatë dhe aty ku gjeti doli parti e katërt ose e pestë.
Tani po këta dalin e thonë Sali Berisha dështoi! Kaq mjafton për të kuptuar pse Edi Rama nuk qeshte dot mbrëmë.
E ka të qartë se me këtë njeri do ta ketë të vështirë. Kaq i la dhe Ramiz Alia me ndërkombëtarët në zgjedhjet e ‘91.
Edhe atëherë i njëjti Preç i kërkonte dorëheqjen. Berisha qëndroi dhe mundi regjimin. Në fund të gjithë ju bashkuan. Edhe “Preçët” e djeshëm e “Gjekmarkajt” e sotëm”, shkruan Peka.
Epo urime atëhere, për fitoren e ardhshme!
- FËMIJËT E SHKOLLAVE TË PERIFERISË SË TIRANËS SHIJOJNË SHFAQJET TEATRORE TË TEATRIT SHËTITËS “ÇAJUPI” - 29/04/2026
- Nis seanca për presidentin në Kuvendin e Kosovës, opozita refuzon pjesëmarrjen: Spektakël politik! - 27/04/2026
- “Nuk mund të bësh drama”, Rama i përgjigjet Spiropalit: Ose me ne ose kundra nesh! - 27/04/2026