Këshilltari i Shtetit dhe ministri i Jashtëm kinez Wang Yi vuri në dukje të enjten se Kina dhe ShBA-ja duhet të punojnë bashkë që të përballojnë sfidat globale.
Wang i tha këto gjatë takimit në Pekin me John Thornton, bashkëdrejtori global i “Asia Society”, një organizatë joqeveritare me seli në Nju-Jork që promovon të ardhmen e përbashkët të Azisë dhe botës.
Wang Yi vuri në dukje që përpara sfidave globale, si ndryshimet klimatike dhe krizat ushqimore e energjetike, Kina e ShBA-ja, si dy vende kryesore të përgjegjshme, duhet të bashkëpunojnë, çka është edhe ajo që shpreson bashkësia ndërkombëtare.
Ai shtoi që Kina mban qëndrim të hapur për dialog me ShBA-në në të gjitha nivelet.
Thornton nga ana e tij theksoi që ShBA-ja dhe Kina duhet të jenë partnere strategjike që mund të punojnë bashkë.
Gjatë takimit, Wang e nxiti palën amerikane të zbatojë konsensusin e arritur mes dy krerëve të shtetit, kur u takuan në Bali të Indonezisë muajin e kaluar.
Pala amerikane duhet ta shikojë Kinën ashtu siç është, të ndalojë kufizimet dhe presionet e pajustifikuara dhe të rikthehet në ndjekjen e një politike pozitive pragmatike ndaj Kinës.
- EMRAT/ 7 ndryshime drastike në qeveri, ikën Balluku! Rama bën gati kabinetin e ri, kush janë ministrat e propozuar - 26/02/2026
- KE propozon hapjen e negociatave për zerimin e tarifave shtesë të roaming mes BE-së dhe vendeve të Ballkanit Perëndimor - 26/02/2026
- Vendimi kundër tarifave të Trump, Wall Street “merr frymë” lirisht dhe shënon rritje - 21/02/2026