Kryeministri grek, Kyriakos Mitsotakis ka shpallur tre ditë zie kombëtare për 36 viktimat e aksidentit hekurudhor në Larisa të Greqisë. Vendimi i tij hyn në datë sot në 1 mars deri në 3 mars, ku flamujt do të valëviten në gjysmështizë në të gjitha ndërtesat publike.
Presidentja e Parlamentit Europian, Roberta Metsola ka reaguar për aksidentin tragjik që ndodhi në Greqi mbrëmjen e djeshme ku 36 persona humbën jetën nga përplasja e dy trenave.
Nëpërmjet një postimi në twitter, Metsola shprehu ngushëllimet për familjarët e viktimave ndërsa tha se e gjithë vëmendja ishte në Greqi pas kësaj ngjarje tragjike.
“E trishtuar thellësisht nga përplasja e tmerrshme e trenit pranë Larisës në Greqi. Ngushëllimet e mia të sinqerta për të gjitha viktimat, familjet dhe miqtë e tyre. Mirënjohëse për të gjithë shpëtimtarët dhe stafin mjekësor në vendngjarje. Mendimet tona janë me popullin e Greqisë pas kësaj ngjarje tragjike”-shkruan Metsola.