Bordi i transmetuesit shtetëror spanjoll RTVE ka marrë vendim për t’u tërhequr nga Festivali i Këngës Eurovision 2026 nëse Izraeli merr pjesë në garë.
Ky vendim erdhi pas debatit të brendshëm ku votuan 10 anëtarë pro bojkotit, 4 kundër dhe 1 abstenim.
Spanja bëhet kështu vendi i pestë që paralajmëron bojkotin e Eurovisionit për shkak të pjesëmarrjes së Izraelit, pas Holandës, Sllovenisë, Islandës dhe Irlandës. Ky është edhe vendimi i parë i marrë nga “Pesë të Mëdhenjtë” e Eurovisionit, një grup që përfshin edhe Mbretërinë e Bashkuar, Gjermaninë, Italinë dhe Francën, vende këto që kontribuojnë më shumë financiarisht dhe kualifikohen automatikisht në event.
Eurovision, i njohur për neutralitetin e tij politik, ka qenë i përfshirë këtë vit në polemika të mëdha për shkak të luftës në Gaza. Disa vende kishin kërkuar që Unionit Evropian të Transmetimeve t’i ndalohej pjesëmarrja Izraelit në edicionin e vitit 2025, ku konkurrenti izraelit Yuval Raphael arriti vendin e dytë.
Këngëtari austriak JJ, fituesi i këtij viti, gjithashtu ka bërë thirrje për përjashtimin e Izraelit nga Eurovision 2026.
Ky zhvillim ngre sërish diskutime për ndikimin e politikës në ngjarjet kulturore ndërkombëtare dhe për qëndrimin që duhet mbajtur në një festival që tradicionalisht promovon unitetin dhe bashkëpunimin mes vendeve.
- Elton John feston 5-vjetorin e “Cold Heart” me Dua Lipën: “5.3 miliardë dëgjime dhe një miqësi e mrekullueshme” - 13/08/2026
- Raportohen 38 vatra zjarri. Situatë e rënduar në Lurë, Priskë dhe Elbasan, ndërhyrje nga toka dhe ajri. Përmirësohet situata në Krujë - 13/08/2026
- “Nuk e gjykoj njeriun që më fali jetën”, si u tërhoq Skënder Haluci nga trupa gjykuese për dënimin e Ramiz Alisë - 13/08/2026