Shqipëria humbi miqësoren e luksit ndaj Italisë me rezultatin 3-1.
Kuqezinjtë kaluan të parët në avantazh, me anë të një goli me kokë të Ardian Ismajlit, që përfitoi nga një goditje standarde në minutën e 16.
Barazimi i të kaltërve erdhi vetëm 4 minuta më pas, me anë të Di Lorenzos, ndërkohë që 5 minuta pas golit të barazimit, Grifo realizoi edhe golin e përmbysjes për skuadrën e drejtuar nga Roberto Mancini.
Në minutën e 64, Grifo realizoi edhe golin e tretë për Italinë, në një ndeshje ku Nedim Bajrami dhe Uzuni goditën traversën, ndërsa një goditje e Lenjanit u largua në vijën fatale nga Bonucci.