Shtëpia Kotta është një nga më të njohurat në Korçë, e cila daton në gjysmën e parë të shekullit XIX. Falë “Bonusit të Rijetëzimit” kjo godinë karakteristike, Monument Kulture i kategorisë së I-rë, është duke u restauruar.
Për drejtorin e Drejtorisë Rajonale të Trashëgimisë Kulturore Korçë, Gjergji Koki, ky financim i Ministrisë së Kulturës, synon jo vetëm restaurimin por edhe rijetëzimin e kësaj banese e cila shumë shpejt do të jetë një tjetër atraksion i rëndësishëm i qytetit dhe një trashëgimi e rivlerësuar për familjen.
Falë këtij financimi në vlerën e 4 milion lekëve si pjesë e programit të bonusit të rijetëzimit, sipas Kokit do të ruhen të gjithë elementët tradicionalë të kësaj godine.
Skema Kombëtare “Bonusi i Rijetëzimit”, është një financim për restaurimin dhe kthimin e objekteve brenda qendrave historike, në modele të qëndrueshme biznesi, që gjenerojnë të ardhura dhe punësim për komunitetin.
Falë këtij financimi banesa e Lipe e Vaskë Kottas në qytetin e Korçës do të kthehet në një shtëpi pritëse duke ruajtur të gjitha vlerat autentike të saj.
- FOTO/ Eklipsi diellor u pa edhe në Shqipëri, pamje spektakolare nga Rana e Hedhun në Shëngjin - 12/08/2026
- Video/ PSG “Superkampione” e Europës, mposht Aston Villën në një finale spektakolare të transmetuar në Top Channel - 12/08/2026
- Pas më shumë se 80 vitesh, gjenden në Danub trupat e dy ushtarëve gjermanë dhe një motor i Luftës së Dytë Botërore - 12/08/2026