10.5 C
Tirana
24 / 02 / 2024

Regjistrimet në klasë të parë, aplikimi në e-Albania për të gjithë shkollat e vendit

Përpjekjet e prindërve për të regjistruar fëmijët në shkollën më të mirë apo për të përzgjedhur mësuesin e tyre të preferuar do të rezultojnë të pasuksesshme këtë vit.

Regjistrimet e fëmijëve që hyjnë në klasë të parë nga dita e djeshme 4 korrik kanë nisur të bëhen online nëpërmjet portalit e-Albania për të gjitha shkollat e vendit dhe prindërit janë të detyruar ta regjistrojnë fëmijën në institutin arsimor që u nxjerr sistemi, sipas vendbanimit që ata figurojnë.

Drejtoresha e shkollës “1 Maji“ Entela Gjondedaj sqaron se pasi përfundon aplikimi emri i fëmijës shfaqet në sistem sëbashku me adresën e tij dhe më pas veprohet për ta pranuar apo jo këtë kërkesë.

Regjistrimi online do të shmangë dorëzimin e një sërë dokumentash në sekretaritë e shkollave, por njëkohësisht ka shtuar stresin e prindërve të cilët janë të detyruar të pranojnë çfarë ju ofron sistemi.

Nga ana tjetër regjistrimi duke mos respektuar kriterin e vendbanimit krijonte mbingarkese dhe problematika për shkollat më popullore.

Veç klasave të para regjistrimi online do të zhvillohet këtë vit edhe për klasat e 10-ta.

Prindërit do të kenë mundësi të regjistrojnë fëmijët për klasat të parë nga data 4-17 korrik, ndërsa regjistrimet për vit të parë të shkollës së mesme do të zhvillohen 12-24 korrik.

Pas përfundimit të kësaj faze të parë regjistrimesh Drejtoria Arsimore do të vendos nëse do t‘i rihapë regjistrimet në një fazë të dytë në muajin gusht apo jo.

Artikujt më të kërkuar

0
Would love your thoughts, please comment.x
()
x