Kryeministri Edi Rama ka publikuar këtë të martë pamje nga kantieri për zgjerimin e kapaciteteve ankoruese në Portin e Peshkimit Durrës. Rama thotë se ky investim është i rëndësishëm dhe po zbatohet nga Ministria e Bujqësisë. Ky investim vjen edhe pas kërkesës së komunitetit të peshkatarëve.
Rama bën me dije po ashtu se Porti i Peshkimit do të integrohet me portin e ri turistik. Në këtë mënyrë ai do të bëhet i aksesueshëm nga banorët, vizitorët dhe turistët e Durrësit përmes një aksi këmbësor me njësi shërbimesh dhe Markatën e Peshkut.
“Ky është kantieri për zgjerimin e kapaciteteve ankoruese në Portin e Peshkimit Durrës, një investim i rëndësishëm që po zbatohet nga Ministria e Bujqësisë si reagim ndaj një kërkese këmbëngulëse të komunitetit të peshkatarëve.
Porti i Peshkimit do të integrohet në vijim me Portin e Ri Turistik, duke u bërë i aksesueshëm nga banorët, vizitorët, turistët e qytetit bregdetar, përmes një aksi këmbësor me njësi shërbimesh dhe me Markatën e Peshkut, e cila përbën një atraksion më vete në qytetet turistike bregdetare”, shkruan Rama.
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026
- Ndahet nga jeta në moshën 78-vjeçare diplomati dhe ish-deputeti Bashkim Zeneli - 30/10/2026
- Konsultimet me Presidentin, Tom Doshi propozon datën për mbajtjen e zgjedhjeve lokale - 30/10/2026