Kryeministri Edi Rama ka reaguar pas protestës së PD-së të martën e 10 shkurtit.
Në një reagim në “X”, Rama kërkon që të vihet drejtësi për policët e plagosur dhe të ndëshkohen ata që hodhën sende piroteknike, të cilat i quan si “armë me kapacitet vdekjeprurës.
“Këto janë bombat artizanale me të cilat janë sulmuar dhe djegur e plagosur mbrëmë punonjësit e policisë, nga e vetmja parti politike në botën demokratike që ushtron dhunë dhe e dyta në historinë e botës së tërë – pas asaj të famëkeqit Robert Mugabhe të Zimbabves – që i shkon mbrapa një tetëdhjetë e kusur vjeçari të damkosur e të lajthitur!
Uroj që drejtësia të bëjë drejtësi për policët e plagosur dhe të ndëshkojë pa ngurrim bartësit e këtyre armëve me kapacitet vdekjeprurës!
Sa për fatin politik të këtij cikli të ri jashtënxjerrjesh në bulevard, ai do të shkruhet si zakonisht në zgjedhjet e vitit të ardhshëm me një disfatë ende më shembullore se sa të mëparshmet, ndërkohë që ne do të vazhdojmë pa u ndalur rrugën drejt Shqipërisë 2030 në Bashkimin Europian”, shkruan Rama.
- Rama ngre alarmin për luftën hibride: “Revolucioni i flamingove”, shembull i jashtëzakonshëm i dezinformimit! - 27/07/2026
- “Kali i Trojës” në epokën digjitale, Rama paralajmëron për rrezikun e manipulimit të informacionit - 27/07/2026
- Tension jashtë dhe debat brenda Kuvendit, Bardhi dhe Peleshi përplasen për marrëveshjen me SHBA - 27/07/2026