Progres raporti i KE, Rama ndan deklaratën e Marta Kos: Do të bëjmë gjithçka për t’u ulur si të barabartë në tryezën e BE

Kryeministri Edi Rama ka reaguar pas publikimit të progres raportit vjetor të Komisionit Europian, për vendet aspirante në BE.

Kreu i qeverisë në ndarë në një postim në X, deklaratën e Komisioneres së BE për Zgjerimin, Marta Kos e cila vlerësoi përparimin që ka bërë Shqipëria.

Rama deklaron se qeveria që ai drejton do të zbatojë reformat e kërkuara për anëtarësimin në familjen e madhe europiane.

Reagimi i Ramës
“Po, ia dolëm! Dhe do të bëjmë gjithçka që duhet për t’u ulur më në fund si të barabartë në tryezën e BE-së. Le të vazhdojmë përpara, me ritëm, së bashku.

Marta Kos: Shqipëria ka bërë përparim të paprecedentë. Ky rezultat i jashtëzakonshëm është një njohje e qartë e angazhimit të fortë politik të Shqipërisë dhe e aspiratave të qarta europiane të shoqërisë së saj.