Një apartament në katin e nëntë të një pallati është përfshirë nga flakët pasditen e kësaj të diele pranë Gjykatës në Tiranë.
Zjarri mësohet se ka rënë për shkak të flakëve në kabujt e shpërndarjes së rrjetit elektrik.
Fatmirësisht nuk raportohet për të lënduar por disa banorë kanë shfaqur probleme me asfiksimin.
Shërbimet zjarrfikëse janë në vendin e ngjarjes për të bërë të mundur neutralizimin e flakëve.
“Më datë 05.02.2023, rreth orës 17:55, në rrugën “Asim Vokshi”, në një pallat, ka rënë zjarr në kabujt e shpërndarjes së rrjetit elektrik. Në vendngjarje ndodhen shërbimet e Policisë dhe shërbimet e zjarrfikëses, të cilat po punojnë për fikjen e zjarrit. Grupi hetimor ndodhet në vendngjarje dhe po punon për zbardhjen e rrethanave të ngjarjes“- njofton policia.
