Kryeministri Edi Rama ka reaguar sërish përmes një postimi në platformën “X” lidhur me debatin e ditëve të fundit për pagat e gjyqtarëve dhe përplasjen mes qeverisë dhe sistemit të drejtësisë.
Rama ka postuar një foto me një deklaratë që pretendohet se është një gjykatësi, ku thuhet:
“Ne kemi qesen tonë të buxhetit. Nuk po marrim nga qeset e të tjerëve. Me pak fjalë, nuk po na lejohet të marrim nga qesja jonë.”
Krahas postimit, kryeministri shkruan:
“E pabesueshme, po e vërtetë që një gjykatës e kupton kështu pavarësinë dhe e shikon kështu buxhetin e shtetit shqiptar…”
Reagimi i Ramës vjen në një moment kur debati për pagat e magjistratëve është përshkallëzuar, pas vendimeve gjyqësore dhe diskutimeve mbi mënyrën e zbatimit të tyre nga ekzekutivi.
Çështja lidhet me kërkesën për rritjen e pagave të gjyqtarëve dhe pagesën e shumave të prapambetura. Rama ka kundërshtuar nivelin e kërkesave, duke argumentuar se ato kanë një kosto të konsiderueshme për buxhetin e shtetit.
Ndërkohë, Kuvendi pritet të shqyrtojë më 17 shtator zgjidhjen ligjore për pagat e gjyqësorit.
Debati mes qeverisë dhe përfaqësuesve të drejtësisë vijon të mbetet një nga çështjet më të diskutuara politike dhe institucionale të këtyre ditëve.
- 85 vota pro Reformës Territoriale/ Kuvendi e miraton pas një seance maratonë - 09/10/2026
- Tensione në Kuvend gjatë votimit për reformën territoriale, Bardhi hedh ujë dhe sende të forta drejt deputetëve të PS dhe Ramës - 09/10/2026
- “Ja e vërteta për projektin e Zvërnecit”/ Jared Kushner i jep fund spekulimeve: Nëse miratohet, shqiptarët do të jenë krenarë dhe do e shijojnë për breza me radhë - 08/10/2026