Drejtoria Rajonale e Trashëgimisë Kulturore Korçë ka realizuar një ndërhyrje emergjence në urën e Postenanit në Leskovik.
Ndërhyrje kjo që sipas drejtorit të kësaj drejtorie Gjergji Koki, është realizuar me qëllim për të garantuar qëndrueshmërinë e kësaj vepre me rëndësi për zonën gjatë sezonit të dimrit.
Ndërhyrja sipas Kokit konsistoi në restaurimin e parapetit, restaurimin e muraturës në pjesën fundore të harkut, plotësimi me gurë në pjesët e rrëzuara si dhe devijimi rrjedhës se ujit dhe disiplinimi i ujërave sipërfaqësore.
Nga ana tjetër Koki bën me dije se vitin e ardhshëm pritet të bëhet një rikonstruksion total i kësaj ure, nëse sigurohen fondet e duhura.
Ura e Postenanit është një nga veprat e njohura të trashëgimisë kulturore në zonën e Leskovikut. Kjo ndërhyrje do të krijojë mundësinë e vijimit të punës për restaurimin e plotë të kësaj vepre.
- Nga Musolini e Lef Nosi, te Enver Hoxha, Maks Velo e Sudja, Ben Blushi zbulon 100 personazhet e romanit “Historitë e çmendura të Tiranës” - 04/11/2026
- Figurat bullgare të rilindjes kombëtare – arkitektët e lindjes evropiane - 02/11/2026
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026