Edukimi financiar ndihmon në kultivimin e kulturës dhe përfshirjes financiare përmes rritjes së njohurive, aftësive dhe qëndrimeve financiare, që në moshë të vogël. Ky është edhe synimi i Bankës së Shqipërisë nëpërmjet ekspozitës edukative “MONEY smART – Edukim financiar për të gjithë”.
Luljeta Minxhozi, Zv/Guvernatore e Parë në BSH: Qëllimi është t’a fillojmë që nga moshat e reja. Edukimi financiar duhet të jetë pjesë e edukatës qytetare dhe siç sillen mirë me të gjitha shërbimet qytetare, individët kur të jenë të rritur duhet të sillen shumë mirë edhe me shërbimet financiare. Banka e Shqipërisë më sakt ka ndërtuar një strategji të edukimit financiar. Prej gjashtë muajsh ajo është formalizuar edhe me aprovimin në bordin mbikëqyrës në Bankën e Shqipërisë dhe ne kemi filluar t’i intensifikojmë fushatat me të gjitha grupet e interesit.
Edhe për shkak të ndryshimeve të vazhdueshme të teknologjisë, edhe sistemi financiar duhet të përshtatet me këto ndryshime.
Luljeta Minxhozi, Zv/Guvernatore e Parë në BSH: Strategjia jonë është një strategji e qëndrueshmë që do të shërbejë për rreth 10 vitet e ardhshme. Ne kemi marrë parasysh edhe zhvillimet e reja që do të vijnë jo vetëm këto që janë sot sepse sistemi financiar është sistemi më dinamik në momentin e sotëm dhe pritet që produktet dhe shërbime të diversifikohen shumë.
“MONEY smART – Edukim financiar për të gjithë” do të jetë hapur deri me 28 Qershor, prandaj i gjithë publiku mund të mësojë nga afër më shumë për financat dhe pagesat digjitale.
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024