Kryeministri grek, Kyriakos Mitsotakis i dërgoi një mesazh të qartë Turqisë.
Mitsotakis u takua sot me presidenten e Sllovakisë, Zuzana Čaputová, e cila po zhvillon vizitën e saj të parë zyrtare në Greqi.
Gjatë takimit që patën në Megaros Maximos kryeministri fillimisht iu referua krizës energjetike, e cila, tha ai, kërkon një përgjigje të përbashkët dhe vendime të guximshme evropiane për të mbështetur familjet dhe bizneset.
Sipas Megaros Maximos, gjatë takimit u konfirmua niveli i shkëlqyer i marrëdhënieve dypalëshe, të cilat janë përforcuar vitet e fundit, ndërsa u diskutuan çështje me interes ndërkombëtar, rajonal dhe evropian, me theks tek energjia dhe tranzicioni i gjelbër.
Me rastin e takimit të ministrave të energjisë të BE-së më 9 shtator, Mitsotakis nënvizoi nevojën për një përgjigje të përbashkët ndaj krizës energjetike.
Siç theksoi ai, sfidat e mëdha për unitetin evropian kërkojnë vendime të guximshme evropiane për të mbështetur familjet dhe bizneset.
Në të njëjtën kohë, ai e informoi presidentin e Sllovakisë për infrastrukturën që Greqia po zhvillon për t’u shndërruar në qendër të importit dhe transferimit të energjisë në Ballkan dhe Evropë, si dhe për transferimin e energjisë elektrike “të gjelbër” nga Afrika.
Lidhur me retorikën agresive në rritje të Turqisë, Kyriakos Mitsotakis përsëriti se qëndrimi i përhershëm i Greqisë është dialogu i bazuar në të drejtën ndërkombëtare. E drejta ndërkombëtare e detit dhe marrëdhëniet e fqinjësisë së mirë.
Ai theksoi gjithashtu se është e papranueshme që Greqia të marrë kërcënime që shkojnë deri në pikëpyetje të sovranitetit grek nga një vend që është aleat në NATO.
/JavaNews
