Jay Ohrberg, një ekspert “tuning” i makinave, fillimisht e ndërtoi makinën në vitin 1986 në Kaliforni duke përdorur një Cadillac Eldorado të vitit 1976 si pikënisje, por në atë kohë ajo ishte vetëm 18.28 metra (60 këmbë).
Problemi është drejtimi i makinës më të gjatë në botë, dhe mbajtja e saj në formë, nuk është e lehtë.
Michael Manning, njeriu që restauroi makinën dhe e transformoi atë në limuzinën e çmendur që shihni sot, tha se makina në thelb po shkatërrohej kur e gjeti atë në një ekspozitë makinash në New Jersey.
“Ishte duke u kalbur. Ishte e mbuluar me mbishkrime, xhamat ishin thyer, por gjithsesi u dashurova me të”, tha Manning.
Atij iu deshën rreth shtatë vjet për të siguruar financimin për projektin dhe 2.5 vjet për ta rivendosur plotësisht atë, kryesisht sepse pothuajse gjithçka duhej të bëhej me porosi. Ai përdori gjashtë Cadillac ElDorado për një total prej 26 rrotash !, por ai ende duhej të ndërtonte pjesën e mesit nga e para.
“Kini parasysh, ia vlente” sepse ‘Ëndrra Amerikane’ (pseudonimi i makinës) tani është gati për rrugë.
Jo vetëm që mund ta vozitni nga të dy skajet, por përmban një bord zhytjeje, një xhakuzi, një vaskë, një shtrat uji dhe mund të akomodojë 75 persona.
Makina është tani në Muzeun e Makinave Dezerland Park në Orlando, Florida, kështu që të gjithë mund të shijojnë ëndrrën amerikane.
Libri i Rekordeve Botërore Guinness e shpalli atë makinën më të gjatë në botë më 1 mars 2022. Michael thotë se janë në bisedime për ta kthyer makinën më të gjatë në botë nga karburant në elektrike. Kështu që, mbase shumë shpejt mund tl kemi makinën më të gjatë në botë, por elektrike!
