Presidenti i Francës, Emmanuel Macron ka mbërritur në Tiranë ku do të marrë pjesë në punimet e Samitit të Komunitetit Politik Evropian. Macron është pritur nga Rama, ku i janë bashkuar 46 liderëve të tjerë nga bota në “Shtëpinë e Europës’.
Mediat raportojne se nuk kane munguar as batutat nga Edi Rama, referuar faktit se kur Macron mberriti prane samitit, pushoi edhe shiu.
“Tani na u hap dhe koha dhe samiti mund te vazhdoje” – tha Rama sipas mediave.
Presidenti i Francës, Emmanuel Macron ka mbërritur në Rinas mesditën e kësaj të premte, ku u prit nga zv.kryeministrja Belinda Balluku dhe ministrat Pirro Vengu dhe Mirela Kumbaro.
Kjo është vizita e dytë zyrtare e Macron në Tiranë, ku në këtë vizitë shoqërohet edhe nga bashkëshortja e tij Brigitte Macron. Macron vizitoi Tiranën për herë të parë në tetor të 2023.
Macron do të vijojë vizitën zyrtare edhe të shtunën e 17 majit, ku pritet që së bashku me kryeministrin Edi Rama të inaugurojnë edhe shkollën e teknologjisë “Ecol 42”.
- Cili do ta fitojë i pari luftën, Bordi i Paqes apo Bordi i Transparencës?! - 31/03/2026
- Nga Moglica tek linja me Kosovën, tre projektet energjetike që Shqipëria çon tek BE-ja për financim - 17/03/2026
- “Jemi të gatshëm për bashkëpunim me Trump”, Macron ndryshon qëndrimin për Ngushticën e Hormuzit - 17/03/2026