Nga Brizida Gjikondi
Ato, ato të shoqërisë civile etj etj që çirren për fonde ose kush do flas në mikrofon dhe kush e organizoi protestën, dhe pikërisht në atë moment e vrasin atë.
Ku janë tani që po klithin gjithë gratë e botës?
Po gratë jastëk zbukurimi të parlamentit shqiptar ku janë, ato që “do” mbahen mënd për rraqet që veshën dhe kurrë për përfaqësimin e halleve dhe realitetit të femrës shqiptare.
Po ministret ku janë, në ç’vrimë janë futur?
Po vajzat e gratë e mediave të shou bizit, universiteteve ku janë..
A po e shohin që mbarë bota është ngritur me sy të përlotur nga Irani.
A ju thotë gjë emri Mahsa Amini, e vrarë barbarisht 22 vjec sepse i dilte një tufe e bukur flokësh nga perçja, po Hadis Najafi 20 vjec vajza me bishtalec, e vrarë sepse protestonte për Mahsan mbrëmë rrugëve të Iranit e njihni.
Ju që tolloviteni nëpër instagram tik-tok dhe bëni si pata imituese a e dini që jeta dhe emancipimi nuk është vetëm hipokrizi, imitim, intriga, tradhëti, zili, xhelozi, rraqe firmato, çantë 50 mijë euro por ndërkohë shpirti dhe mendja bosh?!
A e dini që gjetiu simotrat tona po luajnë me mbijetesën e dinjitetit dhe ekzistencës së shpirtit e lirisë?
A jeni, a jemi pjese e botes së vlerave dhe ne?
A e ndini?
A e shihni që mediat, tik toku dhe instagrami po shpërthejnë nga imazhet e protestanëve ne krah të vajzave dhe grave të Iranit?!
Shumë gra e vajza në mbarë botën po presin flokët në shenjë dhimbje, zije dhe proteste.
Nuk vlen bukuria e dy lekshit kur shpirti është gjak.
Po ju ku jeni?!
A jeni?!
- Gjyqi historik në Francë/ Presidenti Macron falënderon Gisele Pelicot: Dinjiteti dhe kurajoja juaj kanë inspiruar botën! - 20/12/2024
- Përqafime dhe të qeshura! Dalin pamjet nga takimi i Ramës, Kurtit dhe Osmanit/ Momenti epik kur kryeministri i jep dorën edhe Spiropalit - 20/12/2024
- Sopranoja: Parashqevia komuniste? Godole injorante dhe me prejardhje komuniste! - 20/12/2024