Juristi Kreshnik Spahiu, komentoi në Euronews Albania këtë të premte, deklaratat e kreut të SPAK Altin Dumani, se Tatimet dhe Doganat nuk kanë bërë asnjë kallëzim në Prokurorinë e Posaçme.
Spahiu tha se institucionet e varura nga politika, edhe pse duhet të ishin ato që duhet të kapnin shkeljet e zyrtarëve, nuk depozitojnë asnjë kallëzim pasi janë të kapura nga sistemi.
Spahiu tha se i vetmi partner i SPAK që depoziton kallëzime është kontrolli i Lartë i Shtetit.
“Dihet botërisht në Shqipëri që i vetmi institucion i madh i pavarur është Kontrolli i Lartë i Shtetit që drejtohet nga Arben Shehu, një nga juristët dhe profesionistët më të mirë në Shqipëri. Një nga intelektualët më të pavarur në qëndrimet e tij jashtë politike. Si një institucion i fuqishëm ka gjetur partner SPAK-un. Pra KLSH është sot i vetmi partner serioz i Prokurorisë së Posaçme. Të gjitha institucionet e tjera që janë nën kontrollin e qeverisë dhe që janë të varura nga pushteti nuk dorëzojnë asnjë kallëzim. Po s’dha leje politika e kanë të pamundur. I bllokon vetë sistemi. Ata e kanë shumë të thjeshtë të kontrollojnë financat e çdo zyrtari dhe të bëjnë kallëzime në SPAK”, tha Spahiu.
- Pa popull me vete dhe shih si zihen… - 07/11/2026
- Goca dhe Gra/ “Socialist i vjetër, që fëmijë në FRESSH”, Braçe për kandidaturën e Arbër Hajdarit për Tiranën: Ka potencial, i hapur nëse ka garë brenda PS - 07/11/2026
- Sulmi me 6 viktima në Krakov/ Ministri I brendshëm: Autori kishte pikëpamje ultranacionaliste. Kryeministri Tusk: Në banesën e tij u gjetën 3 trupa - 07/11/2026