Violinçelisti dhe dirigjenti korçar Kostika Tanto, gjithë jetën e tij ia ka kushtuar notave dhe muzikës. Për kontributin e tij të jashtëzakonshëm në prezantimin me nivelet më të larta artistike të artit muzikor shqiptar në skenat më prestigjoze kombëtare e ndërkombëtare, veçanërisht si virtuoz në instrumentin e violinçelit, por edhe si krijues i Orkestrës së Harqeve të Korçës, si kompozitor, orkestrues, dirigjues dhe Drejtor Artistik i këtij formacioni muzikor, i cili ka marrë disa çmime kombëtare e ndërkombëtare, Kostika Tanto së fundmi është nderuar me titullin “Princ i Artit Muzikor Shqiptar” nga Qendra e Artit dhe Kulturës Shqiptare.
Ky vlerësim për artistin korçar është një stimul i madh për të vijuar këtë rrugë të bukur e cila ka nisur që në moshën të vogël.
Kostika Tanto nisi të marrë mësimet e para në instrumentin e violinçelit që në moshën 7 vjeçare, në vitin 1961, e më pas ai ndoqi studimet e larta në Liceun Artistik ku spikati si instrumentist. Muzika ka qënë dhe do të ngelet ushqimi shpirtëror për artistin korçar, me një krijimtari artistike mbi 60 vjeçare e që gjithë jetën e tij ia ka kushtuar artit muzikor.
- Rama, Rama të QRB! - 02/09/2026
- VIDEO/ Protesta e 88, pjesëmarrja në pikën më të ulët. Pamjet me dron tregojnë sheshin bosh - 27/08/2026
- PD duartroket ata që po i sharrojnë degën ku është ulur - 18/06/2026