Rajmonda Balili akuzohet për shkelje të barazisë në tendera kur ishte kryebashkiake e Patosit
Prefektja e Qarkut të Fierit Rajmonda Balili u paraqit në SPAK këtë të Hënë. Pak ditë më parë ndaj saj është vendosur masa e sigurimit pezullim nga detyra, pasi dyshohet për veprën penale shkelje e barazisë në tendera, në kohën kur ishte kryebashkiake e Patosit.
Balili ndodhej në Shtetet e Bashkuara të Amerikës dhe vetëm tani pas kthimit ajo është njohur me këtë vendim të dhënë në mungesë. Balilaj u shkarkua nga detyra e prefektes me vendim të Këshillit të Ministrave.
Pasi doli nga dyert e SPAK, Rajmonda Balili, foli për mediat duke theksuar se nuk ka kryer shkelje të ligjit.
Balili së bashku me 6 zyrtarë të tjërë të bashkisë së Patosit dyshohet se kanë favorizuar kompaninë “Genti 001” me aksioner të vetëm Ilir Dervishaj në disa procedura tenderimi.
Sipas SPAK nga 2019-2022 kjo kompani ka marrë 32 tendera. I fundit ishte një tender për rikonstruktimin e një rruge punë e cila nuk është kryer. Më herët gjykata u ka komunikuar masën pezullim nga ushtrimi i funksionit 6 zyrtarëve të tjerë të bashkisë.
- Pa popull me vete dhe shih si zihen… - 07/11/2026
- Goca dhe Gra/ “Socialist i vjetër, që fëmijë në FRESSH”, Braçe për kandidaturën e Arbër Hajdarit për Tiranën: Ka potencial, i hapur nëse ka garë brenda PS - 07/11/2026
- Sulmi me 6 viktima në Krakov/ Ministri I brendshëm: Autori kishte pikëpamje ultranacionaliste. Kryeministri Tusk: Në banesën e tij u gjetën 3 trupa - 07/11/2026