Kryeministri Edi Rama, ka shpërndarë në rrjetin social Facebook pamje lidhur me aktivitetin e zhvilluar sot në Prishtinë, ku pas një aksioni simbolik nga aktivistë të ndryshëm përkujtimorja e mirënjohur NEËBORN u “burgos” me një grilë hekuri dhe mbishkrimin “Kosova e burgosur”.
Rama bën me dije se aktivistët kanë vendosur rreth 5,000 emblema të Ushtrisë Çlirimtare të Kosovës (UÇK) në hapësirën përreth, një aksion për të cilin ai ka shprehur respekt. Ngjarja vjen si një formë solidariteti me ish-krerët e UÇK-së, të cilët aktualisht po përballen me proces gjyqësor në Hagë.
Rama thekson rëndësinë e kujtesës historike dhe të sakrificës për lirinë e Kosovës.
“Respekt. Pas “burgosjes” simbolike me një grilë hekuri të përkujtimores së mirënjohur NEWBORN, me mbishkrimin “Kosova e burgosur” sot aktivistët kanë vendosur 5000 emblema të UÇK-së”, shkruan Rama në rrjetin social Facebook.
- Leonardo da Vinci, gjeniu që e shndërroi artin në instrument për të depërtuar në sekretet e krijimit - 15/04/2026
- Dosja “Partizani”, GJKKO pranon kërkesën e Berishës dhe Malltezit për thirrjen e Ramës si dëshmitar - 15/04/2026
- Gegnishtja, gjuha e ndaluar që Marjana Koçeku kthen në Kuvend si një betejë për dinjitet, identitet dhe qëndresë - 15/04/2026