Për të dytën herë, Gjykata ka rrëzuar kërkesën e Sali Berishës për përjashtimin e gjykatëses Irena Gjoka.
Vendimi është marrë ditën e sotme, nga gjykatësja Rudina Palloi.
”Personi nën hetim Sali Berisha nëpërmjet mbrojtësve të tij ka paraqitur kërkesën për përjashtimin e trupit gjykues që shqyrton kërkesën e Prokurorisë së Posaçme kundër Korrupsionit dhe Krimit të Organizuar me objekt: zëvendësimin e masës së sigurimit. Kjo kërkesë iu kalua për shqyrtim gjyqtarit të gatshëm, i cili në përfundim të gjykimit vendosi rrëzimin e kërkesës”,thuhet në vendim.
Kjo kërkesë u bë nga avokatët në seancën e djeshme, me argumentin se kjo gjyqtare është shkarkuar në vitin 1996, kur në krye të KLD së kohës ishte Sali Berisha. Për këtë, avokatët e kanë konsideruar Gjokën në kushtet e konfliktit të interest, mirëpo Gjykata ua hodhi poshtë këtë pretendim.
Që do të thotë se në seancën e sotme në orën 11:00, për masën e sigurisë ndaj tij “arrest shtëpie”, vendimi do të merret pikërisht nga kjo gjyqtare, Irena Gjoka.
- Alain Delon, sharmanti i kinemasë, burri që e bëri praninë të kishte fytyrë të dritshme dhe vështrimin të kishte sy prej qielli - 08/11/2026
- Papa Leoni XIV viziton Argjentinën mes përplasjes me presidentin Milei, varfëria në qendër të vëmendjes - 08/11/2026
- “Ata që krijuan incidentet ishin të paguar, jo studentë”/ Berisha reagon pas përzënies së demokratëve nga tubimi: Kemi lindur në protestë dhe do të jemi aty - 08/11/2026