Ministri për Evropën dhe Punët e Jashtme, Igli Hasani, po merr pjesë në Forumin Strategjik të Bled-it 2025 që u mbajt sot në Slloveni dhe vazhdon edhe të martën. Në një postim në rrjetet sociale, ai thekson se Shqipëria është e angazhuar në forcimin e bashkëpunimit dhe nxitjen e dialogut.
“Në 20-vjetorin e Forumit Strategjik të Bled, Slloveni, për të marrë pjesë në diskutime rreth sfidave aktuale – me integrimin e Ballkanit Perëndimor në BE si një çështje kryesore për të ardhmen e kontinentit.
Shqipëria mbetet plotësisht e angazhuar në forcimin e bashkëpunimit dhe nxitjen e dialogut mbi tematika kyçe rajonale dhe globale, si dhe në zgjerimin e partneriteteve mbi prioritetet e përbashkëta.”, shkruan ministri Hasani.
Ky forum do të vazhdojë edhe të martën dhe ministri Hasani pritet të marrë pjesë në Panelin me temë “Rajoni larg të rinjve: Koha për ndryshim”.
Ky panel, do të fokusohet tek nevoja e fuqizimit të të rinjve në rajonin e Ballkanit Perëndimor.
- Konsullata shqiptare në Luginë vlen më shumë se konsullata serbe në Shkodër - 31/07/2026
- FIFA i përgjigjet akuzave të UEFA-s dhe CONCACAF për projektin e ri: Askush nuk po e shet futbollin - 31/07/2026
- Alarm për një valë të re të nxehti në Evropë/ Rriten mundësitë për zjarre dhe mungesë uji, ja vendet më të rrezikuara - 31/07/2026