Kreu i Grupit Parlamentar të PD-së së Rithemelimit, Gazment Bardhi është shprehur se nga e hëna, jo vetëm grupi por e gjithë PD-ja do të jetë e bashkuar.
Për demokratët që mendojnë ndryshe, Bardhi tha nga dega 7, se duhet të ndërgjegjësohen sepse janë në rrugën e gabuar. Qëndrimi i tyre përballë opozitës, tha ai, forcon Ramën.
“Duhet ta nisim këtë tur të takimeve për bashkimin e bazës së bashkisë, për Tiranën, nga dega 7. E para si një vlerësim për punën dhe sakrificën që ka bërë secili prej jush gjatë këtyre viteve në opozitë. Sot nuk dua të bëj analizë të gjatë për situatën e vështirë që kaloi PD në këto dy vite, por e rëndësishme për ne është që nga e hëna, jo vetëm grupi parlamentar është i bashkuar, por Partia Demokratike e Shqipërisë.
Padyshim që ka një pjesë demokratësh që ende mendojnë ndryshe nga ne, asnjë inat, asnjë mllef, por duhet të ndërgjegjësohen se janë në rrugën e gabuar. Qëndrimi i tyre përballë opozitës e dobëson opozitën dhe e forcon Edi Ramën. Ne duhet ta mundim Edi Ramën”, tha Bardhi.
- Ndezje flakadanësh e thirrje për dhunë, ‘Etika’ përjashton me 10 ditë Berishën! Me 60 ditë 5 të tjerë - 30/10/2026
- Ndahet nga jeta në moshën 78-vjeçare diplomati dhe ish-deputeti Bashkim Zeneli - 30/10/2026
- Konsultimet me Presidentin, Tom Doshi propozon datën për mbajtjen e zgjedhjeve lokale - 30/10/2026