Deborah Szekely lindi në Brooklyn, Nju-Jork, Shtetet e Bashkuara, më 3 maj 1922 dhe mban sekretin e rinisë së përjetshme. Fakti që ajo ka qenë gjithmonë e interesuar për shëndetin dhe mirëqenien e ka nxitur atë të bëjë kërkime për gjithçka që bën të mundur një jetë më të gjatë dhe më të shëndetshme.
Në vitin 1939, para se të shpërthente Lufta e Dytë Botërore, ajo ngriti biznesin e saj të parë të fitnesit dhe spa. Dhe deri më sot, ajo është ende e angazhuar në mënyrë aktive në të. Szekely hapi Rancho La Puerta në Baja California, Meksikë, me burrin e saj të ndjerë në qershor 1940, dhe strukturoi stilin e saj të jetesës për të qëndruar e shëndetshme, me disa këshilla se si të tjerët mund të bëjnë të njëjtën gjë.
Që në fëmijëri, biznesmenja ka ndjekur një dietë kryesisht me bazë bimore.
“Unë jam një pescetarian dhe, për fat, nuk kam ngrënë kurrë mish për shkak të prindërve të mi,” vuri në dukje ajo.
Zakonet e saj të të ngrënit i ngjajnë dietës mesdhetare, e pasur me drithëra, fruta, perime dhe peshk. Ajo theksoi gjithashtu se “mbijetesa e komunitetit është absolutisht jetike për jetëgjatësinë. Shëndeti dhe lumturia e fqinjëve tanë nuk janë vetëm të rëndësishme, ato janë një kërkesë. Pa shëndetin e gjërave rreth nesh, është e vështirë të jesh i shëndetshëm,” tha Szekly.
Ajo bën shëtitje çdo ditë dhe merr pjesë në ngjarje kulturore.
“Gjithmonë jam përpjekur të bëj ecje 1,60 km në ditë dhe kam numëruar hapat për të ditur se kur ia kam dalë”, tha ajo.
Për Szekely, stërvitja duhet të bëhet “si dikur” dhe është një pjesë kyçe e të qëndruarit e shëndetshme.
“Lloji specifik i ushtrimeve nuk ka rëndësi; ajo që ka rëndësi është që ju ta shtyni veten mjaftueshëm për ta ndjerë atë, të rrisni rrahjet e zemrës dhe të djersiteni. Nëse ndieni dhimbje vërtet, ju jeni duke bërë një punë të mirë,” tha Szekely.
Por Szekely zbuloi një nga sekretet e saj, që për të është çelësi për një jetë të gjatë dhe të shëndetshme: kujdesi për shëndetin mendor. Ajo siguroi se është me rëndësi të madhe praktikimi i leximit dhe mësimi i gjërave të reja.
“Kryesore është të mësosh,” tha ajo dhe shtoi: “Unë lexoj gjithçka. Lexoj gjërat që më interesojnë, por lexoj paragrafin e parë dhe të fundit të shumicës së gjërave, për të marrë një ide të përgjithshme. Dhe pastaj, nëse është vërtet interesant, paragrafi i parë dhe i fundit, lexoj pjesën tjetër.”
- Silvinjo pas suksesit ndaj Ukrainës: Ke pak mundësi të përmbysësh ndeshje në këto nivele. E merituam, fitore kyç për ecurinë në turne. - 07/09/2024
- Festë kuqezi në Pragë, Shqipëria nis me fitore Ligën e Kombeve, mposht për herë të parë Ukrainën - 07/09/2024
- Skandali i Ministrit të Kulturës që tronditi qeverinë e Melonit/ Reagimi i të dashurës sekrete dhe krahasimi me Berlusconin, ç’po ndodh në Itali - 07/09/2024