Dëmet që do të shkaktojë në ekonominë shqiptare amnistia fiskale e propozuar nga qeveria, do të jenë të mëdha, krahasuar me përfitimet.
Kështu është shprehur kryetari i Shoqatës së Biznesit të Vogël e të Mesëm të Shqipërisë, Albert Nasto i cili thekson faktin se biznesi vijon të jetë kundër projektligjit për amnistinë fiskale, duke argumentuar se kjo nismë e qeverisë do të dëmtojë konkurrencën e ndershme dhe do të rrisë informalitetin.
Nasto shkon më tej duke propozuar një amnisti gjobash për bizneset, pasi sipas tij vetëm kështu do të ndihmoheshin për të dalë nga kriza e viteve të fundit.
Nga ana tjetër pak ditë më parë shoqatat e biznesit kanë deklaruar se projektligji për amnistinë fiskale, i cili po ripunohet nga qeveria, duhet të marrë në konsideratë edhe amnistimin e kapitaleve dhe vlerave financiare të subjekteve tregtare.
Ata kanë propozuar edhe një sërë masash deri në përfundimin e krizës.
- Burgu, si idol, më lart se liria - 06/11/2025
- PD-PS votojnë anëtarët e Komisionit Rregullator të KQZ-së, rikthehet Arben Ristani. Sa vota morën 5 anëtarët - 06/11/2025
- Rriten tensionet Rusi-SHBA, Trump urdhëron rifillimin e testimeve bërthamore. Kievi: Flamuri ukrainas u ngrit në Pokrovsk - 06/11/2025