Një 60-vjeçar është përplasur për vdekje në Durrës te mbikalimi i këmbësoreve në lagjen nr. 14.
Sipas policisë aksidenti ka ndodhur në orën 09:00, ku një makinë me drejtuese shtetasen A. B., 44 vjeçe, ka përplasur shtetasin Y. H., rreth 60 vjeç (këmbësor).
Si pasojë e aksidentit, 60-vjeçari ka humbur jetën.
Grupi hetimor ndodhet në vendngjarje dhe po punon për sqarimin e rrethanave të këtij aksidenti.