Ashtu siç ishte paralajmëruar, Partia Socialiste ka mbledhur këtë të martë, më 7 prill grupin parlamentar. Mbledhja e nisur prej orës 9:30, e drejtuar nga kryeministri dhe kryetari i kësaj force politike Edi Rama, ka zgjatur për afro 1 orë e 30 minuta.
Në këtë mbledhje dy ishin porositë kryesore të kryeministrit Rama, që vijnë në kuadër të turit “Punët e Shqipërisë”: Komunikimi me bazën dhe ai publik!
Rama ka kërkuar nga deputetët që të jenë më të pranishëm në zonat e tyre elektorale për të dëgjuar nga afër problematikat dhe shqetësimet e qytetarëve, por edhe për t’i qëndruar sa më pranë bazës. Ai gjithashtu i ka lajmëruar deputetët e tij se dhe vetë do zhvillojë së shpejti takime në qytete të tjera të vendit.
Kjo mbledhje, e cila vjen fill pas mbledhjes së zgjeruar mes deputetëve dhe ministrave, ishte një mbledhje rutinë që grupi parlamentar e zhvillon çdo fillim jave për të diskutuar mbi axhendën parlamentare. Të enjten priten të diskutohen në Kuvend një sërë projektligjesh të lidhura me procesin e integrimit.
Ndërkohë sjellim ndërmend se më herët pati një tjetër mbledhje të funksionarëve të lartë të PS-së. Sekretari i Përgjithshëm i Partisë Socialiste Blendi Klosi kishte mbledhur në një takim në selinë rozë kryebashkiakët e PS-së në vend. Edhe ky takim vjen në kuadër të turit “Punët për Shqipërinë” dhe kishte në fokus rienergjizimin dhe procesin zgjedhor në forumet drejtuese.
- Rama prezanton dy dokumente para Grupit të PS: Mishërojnë reflektimin tim për bulevardin e flamingove, kthesë për mandatin e katërt - 24/07/2026
- “Bulevardi i flamingove ishte pasqyrë”, Rama: Shqiptarët kërkojnë më shumë, statistikat nuk mjaftojnë më! - 24/07/2026
- Incidenti i Shehajt në Kuvend, Manjani: Të isha në vendin e gardistëve, do t’i jepja një shuplakë - 24/07/2026