Familjarë, miq, kolegë dhe dashamirës po i japin lamtumirën e fundit këngëtarit të njohur të muzikës shqiptare, Shpat Kasapi, në Pallatin e Kulturës në Tetovë.
Arkivoli i tij, i mbuluar me flamurin kombëtar, ndodhet në qendër të ceremonisë, ndërsa bashkëshortja Selvije Lao dhe të afërmit e tij ndajnë dhimbjen dhe lotët për humbjen e papritur. Homazhet janë mbushur me emocione, përkujtime dhe mesazhe dashurie për legjendën e muzikës shqiptare.
Një nga miqtë më të ngushtë të Kasapit, Big Mama, mbajti një fjalim emocionues, duke përshkruar boshllëkun që ka lënë Shpat dhe dashurinë që do të mbetet përjetë në zemrat e tyre.
“Sot jam këtu në këtë skenë që për ne të dy s’ka qenë thjesht skenë, ka qenë fillimi ynë, vendi ku kemi marrë frymë për herë të parë si fëmijë dhe si artistë. Këtu kemi ndarë ëndrra, frikë, gëzim dhe kemi rritur talentin, shpresat dhe miqësinë tonë.
Sot skam fjalë që të përshkruaj boshllëkun që ke lënë. Ke ikur shumë herë padrejtësisht. Shpat, miku im, kemi nisur bashkë prej këtu dhe prej këtu po të them lamtumirë. Do të na mungosh. Por ti s’ke vdekur; zëri yt, muzika dhe dashuria që ke lënë pas do të jetojnë përgjithmonë. Po të lëshoj me lot, por të mbaj në shpirt. Kjo nuk është lamtumirë, miku im, kjo është shihemi prapë.”, u shpreh ajo me lot në sy.
- Berisha: Kush gënjen për Komisionin e Venecias, Rama apo Diella? - 30/11/2025
- Në gjyq për afera korruptive, Netanyahu i kërkon presidentit izraelit që ta falë - 30/11/2025
- Lamtumira e fundit për Shpat Kasapin/ “Amanetin tënd, Roelin, do ta shoh si sytë e ballit”, rrëqeth e motra: S’e pranoj dot të të mos dëgjoj zërin - 30/11/2025