Sali Berisha mbajti një fjalim para mbështetësve në oborrin e selisë së PD-së pasi u lirua nga GJKKO prej arrestit shtëpiak.
Në fjalën e tij, Berisha falënderoi gjyqtaren që vendosi të heqë masën e sigurisë, ndërsa i drejtoi një pjesë të fjalimit të tij dhe kryeministrit Edi Rama.
Berisha tha se Rama do të përgjigjet për përpjekjet për asgjësimin e opozitës, izolimin e liderit të saj, si dhe grabitjen e flamurit të PD-së.
“Kam edhe një fjalë të fundit për autorin kryesor të grushtit të shtetit që iu bë opozitës shqiptare në Shqipëri:
Edi Rama, krijo qeverinë teknike, mos e zvarrit kot narkopushtetin tënd, se vetë Zoti e ka thënë: ‘Që të kthehem, unë do ta pastroj shtëpinë, ne do ta pastrojmë shtëpinë tonë, me ndihmën e Zotit.’ Besimin e pathyeshëm do ta ruajmë.
Krijo qeveri teknike, se mosbindja civile është gati në radhë. Këta burra e gra, djem e vajza do të kenë liderin e tyre me vete. Këta shqiptarë duan përgjigje nga ty, se piramida jote e mashtrimit do të përballet me të vërtetën.
Do të përgjigjesh si puçist për grushtin e shtetit që i bëre opozitës, do të përgjigjesh për vitin që ke lënë kryetarin e opozitës në arrest shtëpie, do të përgjigjesh për atentatin që organizove kundër tij me qëllim për ta heshtur, do të përgjigjesh për dy vitet që grabite flamurin e PD-së.
Prandaj ke vetëm një rrugë, krijo një qeveri teknike dhe shkojmë në zgjedhje të lira. Pse Edi Rama ke frikë nga vota e shqiptarëve? Sot ishte një fitore, por kemi akoma shumë punë për të triumfuar përfundimisht. Ftoj të na bashkohen të gjithë,” tha Berisha.
- Çfarë thuhet në njoftimin e plotë të Gjykatës Kushtetuese për vendimmarrjen e çështjes Balluku - 06/02/2026
- Vendimi 4-4 në Kushtetuese për Ballukun, cilët gjyqtarë votuan pro dhe kundër - 06/02/2026
- Kushtetuesja nuk merr dot vendim për padinë e Ramës, ngelet në fuqi pezullimi i Ballukut nga detyra - 06/02/2026