Celeste Arantes, mamaja e legjendës së futbollit botëror Pele, është ndarë nga jeta në moshën 101-vjeçare.
Ajo i shpenzoi pesë vitet e fundit në gjendje vegjetative, duke mos e mësuar kurrë për vdekjen e djalit të saj në 29 dhjetor të vitit 2022, teksa Federata Braziliane e Futbollit shkroi në komunikatën e saj se Arantes ishte shtruar në spital prej 8 ditësh, ndërsa arsyeja e vdekjes mendohet të jetë nga shkaqe natyrale.
Edson Arantes do Nascimento, i njohur në mbarë botën si Pele, ishte një nga tre fëmijët e Celeste Arantes. Ajo nuk donte që Pele të bëhej futbollist, një mendim që u ndryshua me kalimin e viteve, kur ish-sulmuesi filloi të bëhej një nga lojtarët më të mirë në historinë e futbollit.
“Ndjenjat e sotme janë të përziera. Ne vajtojmë thellësisht largimin e ‘Celestinha’, siç e quajti me dashuri djali i saj. Në të njëjtën kohë, ne jemi përjetësisht mirënjohës për ekzistencën e saj. Dona Celeste është Nëna Mbretëreshë dhe do të mbahet mend përgjithmonë me dashuri në zemrat dhe kujtimet tona”, shkruan në postimin e tij Fondacioni Pele.
- Prokuroria e Hagës kërkon 45 vite burg për ish-komandantët e UÇK-së, Bosch: Absurde, nuk ka prova për dënimin e Thaçit dhe të tjerët - 15/02/2026
- “Haga vendos mbi fatin e heronjve të UÇK-së”/ Gjykimi për akuzat hyn në fazën përmbyllëse - 15/02/2026
- BE i përgjigjet SHBA-ve: Nuk ka shuarje të civilizimit në Evropë, përkundrazi - 15/02/2026