Të dënohen ata që ju shesin dhe ofrojnë falas duhan dhe cigare elektronike fëmijëve nën 18 vjeç.
Ky është sugjerimi i dy deputetëve Etilda Gjonaj dhe Erjon Brace dorëzuar në parlament, në kulmin e diskutimeve për ribërjen e kodit penal për të cilin ende ekspertët po diskutojnë.
Ky propozim i ish ministres së drejtësisë Gjonaj dhe ish zëvendës kryeministrit Brace vjen jo shumë larg nga koha kur ministria e drejtësisë hapi thirrjen ndaj ekspertëve për të depozituar propozimet e tyre për Kodin e Ri penal. në shkresën që TCH e disponon dorëzuar në kuvend në 5 prill Braçe dhe Gjonaj kërkojnë shtesa në Kodin penal me katër nene dhe dënimin me gjobë nga 100 mijë lekë deri në 300 mijë lekë ose me burgim deri në 6 muaj të kujtdo që shet , furnizon ofron falas produkte të duhanit dhe cigareve elektronike.
Vitet e fundit theksohet në relacion ka patur një rritje alarmante të përdorimit të duhanit tek fëmijët dhe të rinjtë. Gjonaj dhe Brace sjellin si shembuj praktikën ndërkombëtare siç ai i 2019 në SHBA kur u miratua akti federal që rriti moshën për shitjen e duhaneve nga 18 në 21 vjeç duke e shpallur të paligjshme shitjen e cigares , puros dhe e cigares deri në 21 vjeç.
E njëjta gjë parashikohet edhe në gjermani, që dënon me gjobë shitjen e duhanit tek të miturit deri në pesë milionë euro. ndërsa në Irlandë shitja e cigareve elektronike fëmijëve nën 18 vjeç sanksionohet me gjobë deri në 3 mijë paund.
- Pa popull me vete dhe shih si zihen… - 07/11/2026
- Goca dhe Gra/ “Socialist i vjetër, që fëmijë në FRESSH”, Braçe për kandidaturën e Arbër Hajdarit për Tiranën: Ka potencial, i hapur nëse ka garë brenda PS - 07/11/2026
- Sulmi me 6 viktima në Krakov/ Ministri I brendshëm: Autori kishte pikëpamje ultranacionaliste. Kryeministri Tusk: Në banesën e tij u gjetën 3 trupa - 07/11/2026